Transcription
1
Monsieur, je n’ay voulu fallir vous advertir comme
2
le seigneur de Cublezes est arryvé à ce matin icy, venant
3
de la court et a laisser le roy, la royne
4
mère, messieurs à Monyceaulx, qu’ilz ont acompaigné
5
madame de Lorreyne qui s’en est allée jusques
6
deux jours devant qu’il arriva à Montceaulx estre
7
party de Chantilly et en chemyn trouva monsieur
8
de Vènes et de Laval qu’ilz alloient voyr monsieur
9
le mareschal de Montmorancy qui a perdu sa fiebvre.
10
Lesdits seigneurs de Vènes et de Laval sont en fort
11
bonne sancté. Monsieur de Lombes passa hier
12
en poste qui venoyt de la court et va
13
trouver monsieur le mareschal de Dampville. Au soyr,
14
bien tard, monsieur de Cublezes parla à ung
15
gentilhomme de monsieur le mareschal de Dampville
16qui s’en va advertir sa magesté pour [barré : l’advertir ]
17
de la composition que ceulx de Nysmes demande.
18
Il y a ung homme d’Allès, bon cathollique et homme
19
de bien, qui estoyt allé dela le Rosne pour voyr
20
quelques parentz qu’il y a. Il a esté prins prisonnier
21
[v] au Chellard de Bouttières où il a demeuré dix ou
22
douze jours prisonnier. Il dict que audit Chellard a
23
de sept à huict vingtz hommes et que, en cependant
24
qu’il estoyt là, se sont battuz par troys foys pour
25
scavoyr qui seroyt le chef, aultant en font en
26
Desaigne où il se faict quelques compaignies.
27
On tient certain que monsieur de Fonteynes est
28
entré dans Sancerre et ce qu’il a trouvé
29
dedans a mys au fil de l’espée. Madame
30
l’admyrale et madame de Thellygny que heurent
31
belle peur à Nevers, sont allées trouver monsieur le
32
comte d’Antremont. Monsieur, mes pauvres subgectz
33
de Vaulnavès qu’ilz se sont tousjours gardés de
34
garde se deulent fort de la cottizasion
35
que ceulx de Crest leur font. Je vous supplie
36
très humblement les avoyr por recommander et
37
me commander votre vouloyr pour icelluy toute
38
ma vie acomplir d’aussy bon ceulx que la
39
dame de scéans et moy nous recommandons
40
très humblement à votre bonne grâce, priant Dieu
41
Monsieur, qui vous ayt en sa garde. De votre maison de Montoyson
42
ce VIIIme de décembre 1572.
43
Votre très humble et aubéissant
44
Serviteur
45
Montoyson.